الاعدام و مدي فاعليته علي معدل الجريمه في المجتمع و هل يساهم فعلا علي انخفاض معدل الجريمه؟ خصوصا جرائم القتل و تجارة المخدرات،وهل تعد عقوبة الاعدام عدل ام انتقام؟
هنتكلم النهارده عن عقوبة الاعدام و مدي فاعليتها علي معدل الجريمه
في المجتمع و هل هي بتساهم فعلا علي انخفاض معدل الجريمه؟ خصوصا جرائم القتل و
تجارة المخدرات،وهل تعد عقوبة الاعدام عدل ام انتقام؟
اعداد:عبدالرحمن محسن
اعداد:عبدالرحمن محسن
طبعا كلنا عارفين ان عقوبة الاعدام بتستخدم في عقاب القاتل في حالة القتل المتعمد،او بعض تجار المخدرات في كثير من الدول حول العالم كما ان الصين هي الدوله الاولي عالميا في تطبيق الاعدام حسب كلام و احصائيات منظمة العفو الدوليه
اولا:هل تطبيق الاعدام يساعد علي خفض نسب الجرائم في المجتمع؟
الاجابه هي لا،الحقيقه هي ان مفيش اي دليل علي ان الاعدام بيمنع
الجريمه بل بالعكس ده في بعض الدول الي منعت الاعدام معدل الجريمه عندهم انخفض
فمثلا كندا سنة 2008 سجلت جرائم قتل اقل من نصف معدل جرائم القتل في 1976،كما ان
في اكتر من 140 دوله حول العالم لغت قانون الاعدام
الاعدام عدل ولا انتقام ؟
حسب كلام منظمة العفو الدوليه فان تطبيق حكم الاعدام مش بيحقق العدل
و انما بيحقق الانتقام عشان لما بتعدم قاتل مثلا فان اهل القتيل مش هيستفيدو اي
حاجه ولا القتيل هيرجع كل الي بنعمله هو اننا بنحرق قلب عيله تانيه علي ابنهم او
حد من اهلهم عمتا،و علي حسب كلامهم
(منظمة العفو الدوليه) :
ان الاعدام هو تعدي
علي حق الانسان في الحياه،ممكن واحد يسأل و يقول يعني واحد تعدي علي حق شخص برئ و
قتله ف نروح احنا منعدموش و نقول اصله من حقه انه يعيش؟معرفش الحقيقه بس هما من
وجهة نظرهم هما انه ممكن بدل ما نعدم الشخص نسجنه مدي الحياه و خلال هذه المده
ممكن نعمله برامج اعادة تأهيل كمان بحيث انه لما يخلص مدة السجن بتاعة ال 25 او ال
30 سنه يخرج و هو انسان احسن وبيقولو برده ان السجن اكثر تأثيرا من الاعدام و ان
في بعض الدول الي بتستخدم الاعدام بشكل خاطئ مثل ان هناك
بعض الدول بتنفذ حكم الاعدام علي الاطفال القاصرين (اقل من 18 سنه)
 |
| احصائيات الاعدام في عام 2017 |
اما بالنسبه لتجارة المخدرات و حكم الاعدام فيها هل هو منطقي؟يعني هل
فعل زي ده او هذا النوع من جرائم الاتجار بالمخدرات يستحق ان عقوبته تصل للاعدام
ولا ده اوفر و مبالغه؟
طبعا مش محتاج اقول ان منظمة العفو الدوليه ضد برده مثلا في سنة 2015
اندونسيا اعلنت اعدام 8 مواطنين بتهمة الاتجار بالمخدرات وقال روبرت ابوت، مدير قسم الأبحاث في منظمة
العفو الدولية لجنوب شرق آسيا والمحيط الهادئ إن عمليات الاعدام '' جرت مع تجاهل
تام للضمانات المعترف بها دوليا بشأن استخدام عقوبة الإعدام'' ف يعني نقدر نفهم
انهم شايفين ان في حل افضل من الاعدام ممكن نتعامل بيه مع تجار المخدرات.
و طبعا في الاخير احنا مش بنقول رأينا احنا شغلتنا العرض فقط و لك
كامل الحق في ان تتفق او تختلف.ونحب نعرف رأيك في الكومنتات
ليست هناك تعليقات
إرسال تعليق